Қазақстандық өскелең ұрпаққа жайлы және заманауи жағдайда білім алу маңызды
Ұлытау Өңірлік кәсіпкерлер палатасының салалық құрылыс, көлік және логистика кеңесінің кезекті отырысында кеңес төрағасы Думан Жамановтың, ӨКП салалық даму жөніндегі басқарушы директоры Данияр Қалымовтың қатысуымен Ұлытау облысында жайлы мектептер салу мәселесі қаралды.
Кездесуге кеңес мүшелері, жергілікті тауар өндірушілер, Ұлытау облысының құрылыс, сәулет және қала құрылысы басқармасының басшысы Ж. А.Әлімжан, Ұлытау облысының кәсіпкерлік және өнеркәсіп басқармасының басшысы Г. А. Төлеуов, "Нұр Астана Құрылыс" ЖШС коммерциялық менеджері А. Н. Қойылыбаев, "Samruk-Kazyna Construction" өкілі Б.Ж.Қалмағанбет шақырылды.
Ыңғайлы мектептердің құрылысы Қазақстанда өзекті тақырып. Соңғы жылдары ел Үкіметі заманауи технологиялар мен материалдарды пайдалана отырып, жаңа мектептерді қайта құру мен салуды қоса алғанда, білім беру жүйесін жаңғырту бойынша белсенді жұмыс жүргізуде. Тендер қорытындысы бойынша "Нұр Астана Құрылыс" ЖШС жеңімпаз болып танылды. Дәл осы кәсіпорын Ұлытау облысында жайлы мектептің құрылысын жүргізетін болады. Кеңес мүшелері мее қосалқы мердігерлер өзекті мәселелерді талқылап, әріптестерінің ұсыныстарын тыңдады. Құрылыс талаптары жоғары және олар көп. Сапалы мектеп жиһаздарынан басқа, мектеп жұмысына интерактивті тақта, заманауи компьютерлер және тағы басқа да заманауи жабдықтарды енгізу қажет. Бұл бағдарламаның маңызды аспектілерінің бірі — құрылыста отандық материалдарды қолдану. Оларды пайдалану тасымалдау мен импорттау шығындарын азайтып қана қоймай, жергілікті өндірушілер үшін жұмыс орындарын құруға мүмкіндік береді.
“Аlit" компаниясының өкілі компания 1997 жылдан бастап отандық нарықта жоғары сапалы әрлеу құрылыс материалдарын өндіріп келе жатқанын айтты:
- Біздің кәсіпорын республиканың көптеген кәсіпорындарымен және ұйымдарымен бірлесіп жұмыс істеуде. Елордадағы көптеген маңызды нысандар біздің қоспаларымызбен салынған. Олар жоғары сапалы және сонымен бірге қол жетімді бағамен ерекшеленеді. Ыңғайлы мектепті жылытудың альтерантиві ретінде “еденді жылыту” деп аталатын жоба да ұсынылды. Бұл мектепті автономды түрде жылытуға көмек, көмір сатып алу шығындарын қоспағанда, жарылыс болуы мүмкін газдан сақтайды, жалпы, балалардың қауіпсіздігін қамтамасыз етеді.
Отырысты қорытындылай келе, Кеңес қатысушылары Қазақстанда отандық материалдарды пайдалана отырып, жайлы мектептер салу елдегі білім беруді дамыту үшін зор маңызға ие екендігімен келісті. Осы жобалардың арқасында балалар заманауи және жайлы жағдайда білім алуға мүмкіндік алады, бұл олардың дамуы мен қалыптасуына ықпал етеді. Сонымен қатар, отандық құрылыс индустриясын қолдау және жергілікті материалдарды пайдалану елдің экономикалық дамуына және импортқа тәуелділіктің төмендеуіне ықпал етеді.
Пікір қалдыру:
Пікірлер: