Өңірлік кеңес отырысында Ұлытау өңірінің даму болашағы талқыланды
Жақында Ұлытау облысының Кәсіпкерлер палатасында Кеңес төрағасы – Нұрахмет Нұриевтің қатысуымен аймақтық кеңес отырысы өтті.
Атамекеннің 10 жылдығына орай Ұлытау облысының ең белсенді кәсіпкерлері марапатталды, олардың жұмысын "Атамекен" ҚР ҰКП төрағасы Райымбек Баталов атап өтті.
ІІ дәрежелі "Іске адалдығы үшін" ҰКП медалімен Өңірлік кеңес мүшесі Николай Распопов марапатталды. "Атамекен" ҰКП алғыс хаттарымен: АӨК салалық кеңесінің төрағасы Абзалбек Мулаков, құрылыс, логистика және көлік салалық кеңесінің төрағасы Думан Жаманов, салалық қызметтер кеңесінің төрағасы Гүлжан Табулганова, "Мен кәсіпкер" жобасының тәлімгері Орынкүл Сәдуақасова марапатталды.
Аймақтық кеңес Төрағасы Нұрахмет Нұриев кәсіпкерлерді құттықтап, отандық экономиканың дамуына қосқан үлесі үшін алғыс айтты.
Күн тәртібіндегі мәселелер МЖӘ жобаларын іске асыруға, Ұлытау облысының дамыту, ҚҚС мөлшерлемесін 12-ден 16% - ға дейін арттыруға қатысты болды. Өз сөзінде "Атамекен" ҚР ҰКП Қаржы секторы департаменті директорының орынбасары Назгүл Ұзалина МЖӘ және кешенді жоспар шеңберінде Ұлытау саласында іске асырылатын және жоспарланатын кейбір жобалар туралы есеп берді. Олар спорт, инфрақұрылымды дамыту, құрылыс, денсаулық сақтау салаларына қатысты болды.
Кеңес мүшелері жобаларды инвестициялау және оларды іске асыру барысына қызығушылық танытты.
Талқыланғандардың бірі ҚҚС мөлшерлемесін 12-ден 16% - ға дейін арттыру болды. Өздеріңіз білетіндей, бұл мәселе бойынша бизнес-қоғамдастық арасында наразылық толқыны бүкіл республика бойынша өтті.
Палатаның бизнес құқықтарын қорғау жөніндегі басқарушы директоры Ғалымжан Сүтбаев Ұлытау облысының бизнес-қоғамдастығы ҚҚС мөлшерлемесін көтеруге қарсы екенін атап өтті. Өйткені бұл негативті аспектілерді, соның ішінде бағаның өсуін және сұраныстың төмендеуін тудырады. Өнімнің қымбаттауына байланысты бизнес клиенттерді жоғалтуы мүмкін, бұл кірістер мен пайдаға кері әсер етеді. Шағын компанияларға салық ставкаларының өзгеруі ауыр тиеді. ҚҚС жоғарылауы бизнес ортада экономикалық өсудің баяулауына әкеледі.
Сонымен қатар, арнайы салық режимінің мөлшерлемесін 50% - ға төмендету бойынша жүргізілген жұмыстар туралы айтылды. Мәселен, Ұлытау облысының Кәсіпкерлер палатасының бастамасымен аталған мәселе ЖАО, депутаттар мен кәсіпкерлердің қатысуымен өткен Ұлытау облыстық мәслихатының отырысында қаралды. Отырыс қорытындысы бойынша арнайы салық режимін қолдану кезінде ставка мөлшерін 50% - ға төмендету туралы шешім шығарылды.
– Бүгінгі күні Жаңаарқа және Ұлытау аудандарында, Қаражал, Сәтбаев және Жезқазған қалаларында АІЖ-ны 50% - ға төмендету туралы шешім қабылданды, - деп атап өтті Ғалымжан Жанатұлы.
Арнайы салық режимін қолдану кезінде ставка мөлшерін тұтастай алғанда бүкіл облыс бойынша 4-тен 2% - ға дейін төмендету Ұлытау бизнес - ахуалды жақсартуға, кәсіпкерлерге салық жүктемесін төмендетуге, бизнесті заңдастыруға, сондай-ақ кәсіпкерлік сектордың іскерлік белсенділігін арттыруға ықпал ететін болады.
Ұлытау облысы Кәсіпкерлер палатасының салалық даму жөніндегі басқарушы директоры Данияр Қалымов аймақтық кеңес төрағасы хаттамасын орындаудағы хаттамалық тапсырмаларды іске асыру жөнінде ақпарат берді.
Олардың бірі жер қойнауын пайдаланушылар мен олардың мердігерлерінің пайдалы ізденістерді өндіру жөніндегі операцияларды жүргізу кезінде пайдаланылатын тауарларды, жұмыстар мен көрсетілетін қызметтерді сатып алу қағидаларына қатысты. Өңдеу өнеркәсібі жөніндегі кеңес шеңберінде бұл жұмыс жүргізілді, отырыс қорытындысы бойынша қалыптастырылған салалық кеңестер мен ескертулер "Атамакен" ҚР ҰКП салалық департаментіне жіберілді.
“Қазақмыс корпорациясының” қызметкерлері үшін оқу орталығын ашу мәселесі де қозғалды. Палатаның жетекші сарапшысы Маржан Жауен жұмыс жүргізіп, қажетті әдістемелік құжаттама дайындады және палата осы жобаны іске асыру бойынша жан-жақты көмек көрсетеді.
Пікір қалдыру:
Пікірлер: