Фармацевтика саласы өкілдері үшін дәрілік заттарды таңбалау қалай жүретіндігі жайлы Ұлытау облысының кәсіпкерлер палатасында түсіндірілді
Кеңес жұмысына Ұлытау облысы сыбайлас жемқорлыққа қарсы қызмет департаментінің превенция басқармасының басшысы Арлен Уандықов, дәрілік заттар мен медициналық бұйымдарға баға мониторингінің фармацевтикалық қызметін бақылау басшысы Абылай Кәукенов, Кәсіпкерлер палатасының бизнес құқықтарын қорғау жөніндегі басқарушы директоры Ғалымжан Сүтбаев, салалық даму жөніндегі Палатаның жетекші сарапшысы Маржан Жауен, сондай-ақ провизорлар мен медициналық ұйымдардың басшылары қатысты.
Ұлытау облысы сыбайлас жемқорлыққа қарсы қызмет департаментінің превенция басқармасының басшысы Арлен Уандықов Департаменттің дәрілік заттардың, оның ішінде қоймаларда қозғалысын бақылау бойынша жұмыстар жүргізіліп жатқанын атап өтті. Мұның бәрі осы саладағы сыбайлас жемқорлық тәуекелдерін азайтуға мүмкіндік береді.
2022 жылғы 6 тамызда ҚР Денсаулық сақтау министрлігі "Дәрілік заттарды таңбалау және қадағалау ережелері" жаңа бұйрық шығарды.
Бұл жүйені енгізу дәрілік препараттардың өндірушіден соңғы тұтынушыға дейінгі қозғалысының мониторингін қамтамасыз етуге мүмкіндік береді. Дәріхана ұйымының таңбалау жүйесіне қатысу үшін: қолданыстағы және пайдаланылатын бағдарламалық қамтамасыз етуді сатып алу немесе пысықтау; аппараттық кілттермен БЭК (күшейтілген білікті электрондық қолтаңба) сатып алу; 2D сканерді сатып алу қажет.
- Негізгі міндет-дәрі-дәрмектердің өндірушіден соңғы сатып алушыға дейінгі қозғалысын бақылауды қамтамасыз ету. Ол үшін әр пакетке бірегей екі өлшемді сәйкестендіру коды қолданылады. Мұны өндіруші өндіріс кезеңінде жасайды. Яғни, дәрі-дәрмек партиясын дайындау кезінде фармацевтикалық компания кодтарды алуға сұраныс жасайды, - дейді дәрілік заттар мен медициналық бұйымдарға баға мониторингінің фармацевтикалық қызметті бақылау басшысы Абылай Кәукенов.
- Таңбалау жүйесіне тіркелу үшін бірінші басшыға немесе ЖК-ге ресімделген электрондық цифрлық қолтаңба және компьютердегі NCALayer бағдарламасы қажет. ЭЦҚ алуға және бағдарламаны Қазақстан Республикасының Ұлттық куәландырушы орталығының сайтында орнатуға болады. Дәрілік заттың таңбалануы препараттың әрбір қаптамасына екі өлшемді DataMatrix кодын беруді білдіреді, оның бірегейлігі тауарды сәйкестендіреді және өндіріс сәтінен бастап шығарылғанға дейін өнімнің толық қозғалыс тарихын бақылауға мүмкіндік береді, – деп ұйымдар мен дәріханаларға қажетті талаптарды атап өтті спикерлер.
Отырыс барысында Фармацевтика компанияларының өкілдері дәрілік заттарға қойылатын жаңа талаптарға қатысты сұрақтар қойды.
Пікір қалдыру:
Пікірлер: